60-71-28, 60-71-29
ҚАБЫЛДАУ БӨЛМЕСІ
8 (708) 768-38-19
КОЛЛ-ЦЕНТР
А1 к.,5 құрылыс, блок Г
ЖМ "Железнодорожный"
* қаланың емханаларында медициналық персонал мен пациенттер үшін маска режимін сақтау.
* стационарларда медициналық персонал үшін маска режимін сақтау.
* Денсаулық сақтау ұйымдарының ішкі актілеріне сәйкес емханалардың жұмыс ұзақтығын сағат 8.00-ден 20.00-ге дейін, демалыс және мереке күндері сағат 8.00-ден 18.00-ге дейін ұзарту.
* емханаларда және қалалық жедел медициналық жәрдем станциясында ЖРВИ белгілері бар пациенттерге онлайн консультациялар жүргізу.
* туыстарының және пациенттердің басқа да тұлғаларының стационарларда және қаланың перзентханаларында келуін тоқтата тұру.
* 2025 жылғы 20 қарашадан 5 желтоқсанға дейінгі кезеңге сынып санынан 30% және одан да көп сырқаттанғандардың жалпы саны бойынша ЖРВИ тіркелген оқушыларды қашықтықтан оқытуға ауыстыру.
* бір инкубациялық кезең ішінде сынып санынан 20-дан 30% – ға дейінгі оқушылардың ЖРВИ-мен ауыру жағдайларын бір сыныпта тіркеу кезінде мектептерде оқытудың кабинеттік жүйесі жойылады және күнтізбелік он күн ішінде сыныптарға жаңа балаларды қабылдауға тыйым салынады.
* балалар мен жасөспірімдерді тәрбиелеу және білім беру объектілерінде топтық оқшаулауды сақтай отырып, мектеп жасына дейінгі балалар ұйымдарына баратын балаларды, оқушыларды және жіті респираторлық ауру көріністері бар педагогтарды сабаққа жібермеу үшін әр ауысым алдында “Таңертеңгі сүзгіні” өткізу.
* жетім балалар мен ата-анасының қамқорлығынсыз қалған балаларға арналған білім беру объектілерінде, кәмелетке толмағандарды бейімдеу орталықтарында, интернаттық ұйымдарда, пансионаттарда сыртқы тексеру, көрсеткіштер бойынша – термометрия жүргізе отырып, балалар мен жасөспірімдердің әрбір ауысымына сабақ басталғанға дейін күнделікті сүзгіні жүргізу; Әрбір қабаттағы немесе сыныптағы санитариялық бекеттердің жұмысын уақытылы ұйымдастыру, ЖРВИ және тұмау белгілері бар балаларды анықтау;
* “Таңертеңгі сүзгі” кезінде анықталған ЖРВИ және тұмау белгілері бар балаларды (қызметкерлерді) сабақтан (жұмыстан) уақтылы шеттетуді ұйымдастыру, учаскелік дәрігерді үйге шақыру үшін медициналық пунктке немесе үйге жіберу.
* балалардың, жасөспірімдердің және қызметкерлердің болмау себебін анықтай отырып, олардың келуіне күнделікті мониторинг жүргізу.
* оқу кабинеттерінде ылғалды жинау және желдету режимін 10 минуттан 15 минутқа дейін ұзарта отырып, мектепке дейінгі ұйымдарда – балаларды желдетілетін үй-жайдан шығару кезінде күшейту.
* Денсаулық сақтау және білім беру ұйымдарында (мектептерде, балабақшаларда және т.б.) бұқаралық (мәдени, мерекелік және спорттық) іс-шараларды өткізуді шектеу.
* ЖРВИ және тұмаудың алдын алу туралы көрнекі ақпаратты (стендтер, брошюралар, парақшалар, плакаттар, бейнематериалдар көрсету) орналастыру бойынша жұмысты күшейту.
https://www.gov.kz/memleket/entities/dsek-astana/press/news/details/1109177
Add new comment
📢 ҚР Денсаулық сақтау министрлігінің Медициналық және фармацевтикалық бақылау комитеті фармацевтикалық субъектілердің, дистрибьюторлар қауымдастықтарының және Қазақстан Республикасында фармацевтикалық қызметті қолдау және дамыту ұйымдарының деректеріне сәйкес, республика бойынша қоймаларда қабынуға қарсы және вирусқа қарсы препараттардың қажетті қоры бар екенін хабарлайды.
💊Осылайша, ағымдағы жылдың басынан бастап келесі дәрілік заттарға сертификаттар беріліп, қолдануға рұқсат етілді: Флувир капсулалары 30 мг – 58 684 қаптама; Флувир капсулалары 75 мг – 115 208 қаптама; Флукап суспензия дайындауға арналған ұнтақ – 77 532 қаптама; Флувир капсулалары 75 мг – 115 208 қаптама; Флукап суспензия дайындауға арналған ұнтақ – 77 532 қаптама.
Астана қаласындағы бөлшек дәріханаларға жүргізілген мониторингке сәйкес, бүгінгі таңда төмендегі вирусқа қарсы дәрілік заттар бар:
• Ингавирин 30 мг, 60 мг, 90 мг
• Гроприносин, үлбірлі қабықпен қапталған таблеткалар 500 және 1000 мг, флакондардағы суспензия
• Полиоксидоний, 12 мг таблеткалар
• Эргоферон, 60 мг
• Кагоцел, 12 мг таблеткалар №20
• Арпефлю 100 мг №30
• Тилаксин, 125 мг таблеткалар
• Анаферон барлық түрлері мен дозировкалары
• Галавит таблеткалар, суппозиторийлер
• Валтеро 500 мг №30
• Ациклостад барлық дозировкалар
• Валовекс 500 мг
• Улкарил 800 мг
• Умкалор тамшылары
• Афлубин таблеткалар, тамшылар
Сонымен қатар, дистрибьюторлармен келіссөздер жүргізіліп, сұраныстың артуына байланысты осы аптада Астана қаласына қосымша көлемде келесі дәрілік заттардың жеткізілуі күтілуде: «Осевир» капсулалары 75 мг №10 (МНН – осельтамивир), «Флукап» суспензия дайындауға арналған ұнтақ, «Флувир» капсулалары 30 мг және 75 мг.
📌Комитеттің аумақтық департаменттері вирусқа қарсы дәрілік заттардың көтерме және бөлшек сауда желісіндегі бар-жоғын апта сайын мониторингтеуді жүргізеді.
https://www.instagram.com/p/DRKOguHDM8v/?utm_source=ig_web_copy_link
Күз-қыс маусымының басталуымен Астанада ЖРВИ мен тұмау бойынша сырқаттанушылық өсіп отыр, дегенмен жағдай толық бақылауда, медициналық қызметтер күшейтілген режимде жұмыс істеуде.
Қазіргі уақытта 359 пациент стационарда ем қабылдап жатыр, ал 4,5 мыңнан астам адам амбулаторлық бақылауда. Қалада екі инфекциялық стационар жұмыс істейді, қажеттілік туындаған жағдайда қосымша төсектер ашылады; балалар ауруханасының төсек қоры 453 орынға дейін ұлғайтылған.
Медициналық ұйымдар дәрі-дәрмекпен және қажетті жабдықтармен толық қамтамасыз етілген, 101 сүзгі-кабинет пен 70 мобильді бригада жұмыс істейді, маска тағу режимі сақталып, профилактикалық шаралар күшейтілген.
https://www.instagram.com/reel/DRKJaVwjHFJ/?igsh=cnoxcWNwanc2eWJj
2026 жылғы 1 қаңтардан бастап 11 нозологияны қамтитын әлеуметтік мәні бар аурулардың (ӘМА) жаңартылған тізбесі күшіне енеді.
Оған алғаш рет инсульт салдарынан болған эпилепсия және цереброваскулярлық аурулар енгізілді (1 жыл бойы).
Бұл медициналық оңалтудың ерте басталуын және пациенттерді бақылаудың үздіксіздігін қамтамасыз етеді, бұл емдеудің тиімділігін айтарлықтай арттырады.
Бір мезгілде төрт ауру — балалардың церебральды сал ауруы (БЦА), ревматизм, дәнекер тінінің жүйелі зақымдануы және қант диабеті — динамикалық бақылауға жататын аурулар тізбесіне (ЖБЖА) ауыстырылды және МӘМС жүйесі арқылы қаржыландырылатын болады.
МЕДИЦИНАЛЫҚ КӨМЕКТІҢ КӨЛЕМІ ҚЫСҚАРМАЙДЫ
Бұл ауруларды МӘМС жүйесіне көшіру-медициналық көмектің қолжетімділігі мен көлеміне әсер етпейтін әкімшілік шара.
Көмектің барлық түрлері — диагностика, емдеу, динамикалық бақылау, дәрі-дәрмекпен қамтамасыз ету және медициналық оңалту — толық көлемде сақталады.
Қаржыландыру көзі ғана өзгереді, бұл ретте мемлекеттік кепілдіктер деңгейі өзгеріссіз қалады.
«Біз көмек көлемін қысқартпаймыз – біз жүйені тұрақты, әділ және қолжетімді етеміз. Созылмалы аурулары бар барлық пациенттер емдеуді, дәрі-дәрмектерді және оңалтуды толық көлемде алуды жалғастырады», – деп атап өтті Денсаулық сақтау министрлігі.
ЦЕРЕБРАЛЬДЫ САЛ АУРУЫ ЖӘНЕ ҚАНТ ДИАБЕТІ БАР ПАЦИЕНТТЕРГЕ КЕПІЛДІКТЕР САҚТАЛАДЫ
Бүгінгі таңда Қазақстанда церебральды сал ауруымен ауыратын 27 932 науқаспациент тіркелген, оның 99%-ы МӘМС жүйесінде сақтандырылған.
Церебральды сал ауруы бар пациенттердің көпшілігінде мүгедектік тобы болғандықтан, олар үшін сақтандыру сыйлықақыларын мемлекет төлейді, бұл медициналық көмектің үздіксіздігіне кепілдік береді.
Ауруы бойынша қант диабеті (ҚД):
* Медициналық көмектің көлемі сақталады – диагностика, дәрі-дәрмекпен қамтамасыз ету, бақылау, тәулік бойы және күндізгі стационарлар, медициналық оңалту;
* Диспансерлік пациенттердің 92%-ы МӘМС жүйесінде сақтандырылған;
* 1 типтік ҚД бар пациенттер мен 18 жасқа дейінгі балалар заманауи инсулиндермен және помпалық терапиямен қамтамасыз етіледі;
* Аурудың асқынған түрлерімен мемлекет емдеу шығыстарын толығымен жабады.
МЕМЛЕКЕТ ҚАНДАЙ КЕПІЛДІК БЕРЕДІ?
Ресми жұмыспен қамтылмаған азаматтар үшін жергілікті атқарушы органдар арқылы мемлекеттік сақтандыру тетігі көзделген.
Осылайша, мемлекет халықтың әлеуметтік осал топтарының ішінен 1 млн-нан астам қазақстандықты сақтандыруға кепілдік береді.
Бұл МӘМС шеңберінде медициналық көмектің барлық түрлеріне, оның ішінде қымбат диагностикалық және оңалту қызметтеріне тең қолжетімділікті қамтамасыз етуге мүмкіндік береді.
«Біз бұл мәселелердің әлеуметтік сезімталдығын түсінеміз. Мемлекет ең осал азаматтарды қорғау бойынша міндеттемелерді өзіне алады. Сақтандырылғандардың барлығына медициналық көмек тегін және қолжетімді болып қалады», – деп атап өтті Денсаулық сақтау министрлігі.
АНАЛАР МЕН БАЛАЛАРҒА ҚАМҚОРЛЫҚ
Реформалардың маңызды бөлігі ана мен бала денсаулығын сақтау жүйесін нығайту болып табылады.
Қазақстанда алғаш рет МСАК ұйымдарында ерте даму және араласу орталықтары жұмысын бастады;
Әйелдер мен жасөспірімдерді кешенді сүйемелдеу үшін әйелдер консультацияларына пациенттерді қабылдау қайта басталды;
«Неонатология» және «Акушерлік және гинекология» бейіндері бойынша тарифтер 10-13%-ға көтерілді, бұл сәбилер өлімін төмендетуге мүмкіндік берді.
Денсаулық сақтау министрлігі созылмалы аурулары бар барлық пациенттер емделуді және дәрі-дәрмектерді бұрынғы көлемде қабылдауды жалғастырады деп сендіреді – өзгерістер денсаулық сақтау жүйесін әділ, тұрақты және барлығына қолжетімді етуге бағытталған.
Медициналық көмектің кепілдігі сақталады – бірде-бір пациент емделусіз қалмайды.
Қызметтердің көлемі мен сапасы қысқармайды, тек қаржыландыру көзі ғана өзгереді.
Балалар, мүгедектер, жұмыссыздар және әлеуметтік осал азаматтар мемлекет есебінен толық сақтандырылған.
ДЕНСАУЛЫҚ САҚТАУ МИНИСТРЛІГІ: ЦЕРЕБРАЛЬДЫ САЛ АУРУЫ ЖӘНЕ БАСҚА ДА АУРУЛАРЫ БАР ПАЦИЕНТТЕР МЕДИЦИНАЛЫҚ КӨМЕКТІҢ ТОЛЫҚ КӨЛЕМІН АЛУДЫ ЖАЛҒАСТЫРАДЫ
Бұл күндері әлеуметтік желілерде қант диабеті, церебральды сал ауруы және басқа да созылмалы аурулары бар пациенттер медициналық көмек пен дәрі-дәрмектерге қол жетімділіктің шектеулеріне тап болады деген жалған ақпарат таратылуда. Бұл мүлдем шындыққа жанаспайды.
Денсаулық сақтау министрлігі әлеуметтік мәні бар және созылмалы аурулары бар пациенттерге медициналық көмектің көлемі мен сапасы бойынша кепілдіктер толық көлемде сақталатынына сендіреді.
ТМККК 11 АУРУДЫ ЕМДЕУДІ ҚАМТИДЫ
Жаңартылған тізбеге 11 нозология кіреді, олар бойынша медициналық көмекпен және дәрі-дәрмекпен қамтамасыз ету тегін медициналық көмектің кепілдік берілген көлемі (ТМККК) шеңберінде-пациенттің сақтандыру мәртебесіне қарамастан ұсынылады.
ТМККК пакетінде мыналар қалады:
туберкулез, АИТВ инфекциясы, созылмалы вирустық гепатиттер және бауыр цирроздары, қатерлі ісіктер, психикалық және мінез-құлық бұзылыстары, орфандық аурулар, жіті миокард инфарктісі (алғашқы 6 ай), нерв жүйесінің дегенеративті аурулары, ОНЖ демиелинизациялық аурулары, эпилепсия, цереброваскулярлық аурулар (инсульттан кейінгі жағдай-бір жыл бойы).
Тізбеге алғаш рет мыналар енгізілді:
* эпилепсия;
* цереброваскулярлық аурулар (инсульттан кейінгі жағдай — бір жыл бойы).
Мұндай шешім ұзақ мерзімді бақылауды және тұрақты дәрі-дәрмекпен емдеуді қажет ететін ауыр неврологиялық аурулардан зардап шегетін азаматтарды әлеуметтік қорғауды күшейтуге бағытталған.
ЭПИЛЕПСИЯ ӘЛЕУМЕТТІК МӘНІ БАР АУРУЛАРДЫҢ ТІЗБЕСІНЕ ЕНГІЗІЛГЕН
Диспансерлік науқастардың Бірыңғай тіркелімінің деректері бойынша Қазақстанда эпилепсиямен ауыратын 94 мыңға жуық пациент, оның ішінде 31 мың бала тіркелген.
Жыл сайын осындай диагнозы бар пациенттер 4 млрд теңгеге жуық сомаға 14 дәрілік затпен қамтамасыз етіледі.
Эпилепсияны әлеуметтік мәні бар аурулар тізбесіне енгізу пациенттерге уақтылы, тегін және білікті медициналық көмекке қол жеткізуге кепілдік береді, сондай-ақ тұрақты дәрілік сүйемелдеуді қамтамасыз етеді.
НЕЛІКТЕН ИНСУЛЬТТАН КЕЙІНГІ ПАЦИЕНТТЕРДІ ҚОЛДАУ МАҢЫЗДЫ
Цереброваскулярлық ауруларды (бір жыл бойы инсульттан кейінгі жағдай) ӘМА тізбесіне қосу:
* пациенттерді үздіксіз оңалтумен және динамикалық бақылаумен қамтамасыз етуге;
* қалпына келтірудің ең маңызды кезеңінде дәрі-дәрмекпен емдеуді қамтамасыз етуге;
* қайталанатын тамырлардың бұзылу қаупін азайтуға мүмкіндік береді.
Инсульттан кейінгі алғашқы 12 ай функцияларды қалпына келтірудің және мүгедектіктің алдын алудың шешуші кезеңі болып табылады, сондықтан мемлекет дәл осы кезеңде кепілдіктерді күшейтеді.
МӘМС ЖҮЙЕСІНЕ АУЫСАТЫН АУРУЛАР БОЙЫНША ӨЗГЕРІСТЕР
2026 жылғы 1 қаңтардан бастап міндетті әлеуметтік медициналық сақтандыру (МӘМС) пакетіне:
* қант диабеті;
* балалардың церебральды сал ауруы;
* дәнекер тіннің жүйелік зақымдануы;
* ревматизм.
Бұл ретте медициналық көмектің көлемі қысқармайды – тек қаржыландыру көзі ғана өзгереді. Барлық сақтандырылған пациенттер МӘМС жүйесі шеңберінде емдеуді, консультациялар мен дәрі-дәрмектерді тегін алуды жалғастыруда.
ЕРТЕ АНЫҚТАУ ЖӘНЕ ДИАГНОСТИКА
Алғаш рет барлық әлеуметтік мәні бар аурулардың бастапқы диагностикасы сақтандыру мәртебесіне қарамастан ТМККК шеңберінде жүргізілетін болады.
Бұған дейін бұл тек АИТВ инфекциясы және туберкулезбен ауыратын пациенттерге қатысты.
Бұл ауруларды ерте анықтауды және емдеуді уақтылы бастауды қамтамасыз етеді, бұл денсаулықты сақтаудың негізгі факторы болып табылады.
МЕМЛЕКЕТ КЕПІЛДІКТЕРІ
Мемлекет, бұрынғыдай, азаматтардың жеңілдетілген санаттарына қатысты барлық кепілдіктерді сақтайды:
балалар, жүкті әйелдер, зейнеткерлер, студенттер, мүгедектер, жұмыссыздар және басқалар.
Барлығы – 11 миллионнан астам қазақстандық.
Соның ішінде – мемлекет есебінен сақтандырылған және медициналық көмекті тегін алуды жалғастыратын балалардың церебральды сал ауруымен (БЦА) ауыратын барлық пациенттер.
Денсаулық сақтау министрлігі әлеуметтік мәні бар аурулардың тізбесін жаңарту көмекті қысқарту емес, қаржыландыру тетіктерін жетілдіру және ең осал пациенттер үшін кепілдіктерді күшейту екенін атап көрсетеді.
Сақтандыру жарналары жергілікті атқарушы органдар есебінен төленетін азаматтардың әлеуметтік осал санаттарын (D және Е санаттары) сақтандыруды қаржылық қамтамасыз етуге ерекше назар аударылатын болады.
2026 жылғы 1 қаңтардан бастап Қазақстанда әлеуметтік мәні бар аурулардың (ӘМА) жаңартылған тізбесі күшіне енеді. Шешім «Кейбір заңнамалық актілерге міндетті әлеуметтік медициналық сақтандыру және медициналық қызметтер көрсету мәселелері бойынша өзгерістер мен толықтырулар енгізу туралы» Қазақстан Республикасының Заңын іске асыру шеңберінде қабылданды.
Қазақстан Республикасы Денсаулық сақтау министрлігінің баспасөз қызметі
• Instagram: https://www.instagram.com/healthcare.gov.kz/
• Facebook: https://www.facebook.com/MinzdravRK/
Қазақстан Республикасы Денсаулық сақтау министрлігінің ресми сайты: https://www.gov.kz/memleket/entities/dsm
